Kenjer

Jeugvastelaovend

Sjtadsvastelaovesvereniging De Flaarisse organiseert de vastelaovend neet allein veur volwassene. Ouch de kènjer kriege de volle aandacht.
In 1959 is ein jeugraod opgericht, die jeder jaor hun eige jeugprins oetrope.

Väöl kènjer in Gelaen weite neet dat JEDEREIN lid van de jeugraod kènt waere. De kènjerkemissie zeukt jeder jaor nuuj leeje veur de jeugraod. Jederein dae in de groepe 6, 7 of 8 van de basissjoal zit, kènt zich opgaeve  bie de veurzitter van de jeugkemissie, Math Nijsten. Opgaeve geit door te emaile nao mathnijsten@home.nl of redactie@flaarisse.nl
De kenjerkemissie bekik alle aanmeldinge en maak dao ein keuze oet. Daonao krigs-te berich trökg. Höb-ste zin om mit te doon, gaef dich dan op bie Math Nijsten.

De jeugkemissie organiseert jeder jaor, oppe woonsdig veur de vastelaovend 'n drök bezochte kènjerzitting wo de nuje jeugprins wurd oetgerope. De jeugraod is dan heer en meister oppe buhne. De jeugraod geit ouch jeder jaor nao 2 oetropinge van de wiekvereiniginge van De Vief. 

Op vastelaovesmaondig truk de Waereldsjad Kènjeroptoch door de sjtraote van de Waereldsjtad. Dizze optocht besjteit veural oet kènjer die hun spesjaal veur dizze optoch gemaakde kreasies aan 't publiek langs de waeg laote zeen.
'n Jury geuf jeder deilnömmer punte. De winnaars kriege nao aafloup in de Hanenhof hun gewonne prieze oetgereik. Veur edere deilnömmer is d'r 'n herinneringsvaenke en 'n nonnevot. Nao de priesoetreiking is d'r nog 'n gezellig kènjertreffe in de groate zaal van de Hanenhof.

De jeugraod 2011-2012