Revue Gelaen Waggelt mit Oetroping Sjtadprins 2019

Zeen reurige tieje veur de Gelaense horeca, dat mèrke ouch Zef & Mai. De veurgenómme sjleting van ‘t horecasjträötje, de planne in en rondjóm ‘t gemeintehoes en ‘t wegtrèkke van de jeug richting de Randsjtad sjtèlle ‘t kasteleinskoppel veur lestige dilemma's. Verhoeze? Ein nuujt konsep? Of zelfs sjleting? Ouch Opperflaaris Bert Lemmens bevestig de geruchte:"De Revue Gelaen Waggelt zal dit jaor veur de 4de keër plaats vènje in  Kafee bie Zef & Mai. Mèr ‘t kasteleinskoppel wil ós veuralsnog niks laote  weite, veur wat betröf lokasie. Veer laote ós verrasje en v’r make d’r ein groat feës van!" Aan de mitwirking van artieste zoa-es Conny Bruijnaers, hoesband Sixpack, Lonne, de Sjnaake en väöl angere zal ‘t zeker neet lège. De Revue Gelaen Waggelt vèngk plaats op goonsdig 9 jannewari, mit es hoagtepunt de oetroping van de 72ste Sjtadsprins van de Waereldsjtad. Ververkoup bie Kapsalon Roumen oppe Mert, Gelaen 31 (Salmsjtraot 17) en A Taste Affair (Riekswaeg Centrum).

Deel deze pagina