Sjtadsjeugprins Tijmen I Cremers

foto van Sjtadsvastelaovesvereniging De Flaarisse Gelaen.

Leef Flaarinnekes en Flaarisse,

Miene naam is Tijmen Cremers, ich bèn 10 jaor awt en zit in groep 7 van Basissjoal de Driesprong en same mit mien broor Ruben en mien awwesj Ingrid en Roger woon ich in de Wolfsjtraot.

In mien vrieje tied honkbal ich biej de Sheetas in Baek, dus ich gao probeere van vastelaovend 2017 eine "homerun" te make.

3 jaor geleje woort ich door Petra Lemmens same mit miene groate broor Ruben gevraog om bie de jeugraod te komme, en dao hub ich gein moment sjpiet van gehad.

De road zoch nog ein seremoniemeister en dus woort ich door groate seremoniemeister Frank Helwig binne 11 minuten opgeleid tot seremoniemeister van de jeugraod.

En noe nao 3 jaor veurop in de riej te gaon bèn ich VAEAERDIGGG! om es jeugprins achter in de riej te gaon en de Gelaense jeug te laote zeen wies te op en knatsjgekke maneer vastelaovend viers.

Dat zal ich same doon mit miene adjudant Hidde van Weert, zoon van ein van de eësjte adjudante van de Flaarisse.

Daobiej zal ich mien liefsjpreuk in alle oetheuk van de waereldsjtad laote heure....

 

De vastelaovend, dae zit mich in 't blood.

Gekker mót 't waere, dat kump mèt mich waal good!

Want de kómmende daag gaon ich alles gaeve

óm same mit uch de gekste en sjoanste vastelaovend oats te belaeve!

GELAEN ALAAF

Deel deze pagina