7x11 Jaorig Jubileum

Saer 1947 maak de georganiseerde vastelaovend integraal deil oet van de Gelaense identiteit. 7x11 jaor SVV De Flaarisse sjteit veur bónte sezoene, talrieke gesjminkde gezichte, ontelbare kestuums en nog väöl meë sjlok, oetbunjige zittinge en de sjoanste vastelaovesoptochte. Mèr 't sjteit ouch veur ein väölvoud aan vereniginge, vriewilligers, muzikante en vastelaovesvierders, die allemaol ein sjtökske biedrage aan dit prachtige volksfeës dat veer van 11 november pès Esjelegoonsdig viere. 

Same mit uch - de ganse Waereldsjtad - viere De Flaarisse dit jubileum ónger 't motto 'Os Waereldsjtad Vlamt'. Op 11 november äöpene veer tradisiegetroew mit eine dialekmès, gevolg door 't eësjte groate hoagtepunt van ós jubileum: de Gulden Humor Feësaovend. Ein groats feës in Glanerbrook ter eëre van 77 jaor Waereldsjtadvastelaovend en wobie ouch de oetreiking van de Orde van de Gulden Humor aan dhr. Theo Bovens plaatsjvintj door het SLV Besjtuur.

In de dao-op volgende maonje zulle ónger angere de oetroping van de Jubileum Sjtadsprins & Sjtadsjeugprins, Prónkzitting, Vatelaoveskonsèr en Optochte, de Gelaender toer, tentoon-sjtellinge en aktiviteite de väöle facette van ózze vastelaovend kleur gaeve.

Bekiek jubileumprogram